محرم
ايندي آغلير كربلا شاهي سيزين احواليزه
امت بي غيرتي نيلير امام تشنه لب
احتياجي يوخ سيزين بير قطره اشك و آهيزه
شمردن آرتيق حسينه سيز اذيت ايله ديز
اي خلاف دين ائدنلر بير
باخون اعماليزه
شمر بير دفعه حسيني
اولدوروب مين دفعه سيز
اؤلدوررسيز گر دوشه
ايندي سيزين چنگاليزه
سؤزلريز غيبتدي بهتاندي
يالاندي افترا
نه وئرر الله سيزين بو
خشكه قيل و قاليزه
خامس آل عبانين بولمديز
مقصوديني
ايسته دي بلكه وئره رونق
سيزين اجلاليزه
شرقدن فربه گرك سيزلر
اوليديز حكمران
ليك سيز آماده سيز ايندي
اؤز اضمحلاليزه
خلقي شيطان توولاياندا
توولوسوز شيطاني سيز
مات و حيران قالميشام بو
شيوه اغفاليزه
پاكدل انسان سيزي گؤرسه
يقين گمراه اولار
كيم سيزي ناپاك ائديب
لعنت گله غساليزه
اهل قرآن سوز اگر
قرآنيله رفتار ائدين
شارع قرآن سيزين باخسين
گؤزل اعماليزه
زير بار ظلمه او عالمده
بير آن گئتمه دي
سيز ولي بير عمر آلديز
باز ذلت داليزه
من سيزه الله دن هر وقت
توفيق ايستيرم
سيز ده توفيق ايستيين
«حداد» تك نقاليزه
عکس رودخانه ارس