سن گئده ر کن قویوسان قلبیمه بیر داغ گوزلیم
ایسته سم سن قالاسان چاپمالیام داغ گوزلیم؟!
منه ده نیله ییم آخیر کی قالیب گئتمیه سن؟
دونیا سن سیز من ایچون بیر یکه دوستاغ گوزلیم
سن گئدیب ئوزگه ایلن شاد و خرامان گزه رک
نئجه بس ایسته ییسن عاشیقینی ساغ گوزلیم؟!
سن گئده نده قارا بختیم دی منه همدم اولان
قیمادین تا کی اولا بیرجه گونوم آغ گوزلیم
سئوگیلیم پس کیمی دی عشقیمی تحسین ائلیه ن؟
عاقلیما گلمز ایدی عشقی دانان چاغ گوزلیم
سن وفا ایله مه دین بولبولونی ترک ائتدین
من قفس ایسته ییرم، ایسته میرم باغ گوزلیم

امید الهامی علمداری